Contact tracing kan LGU Barcelona sa mga nakasalamuha kan nagpositibo sa Covid-19, kompleto na

Dagos ng tinanggal kan lokal na gobyerno kan Barcelona an ipinaotob na temporary lockdown sa sarong barangay makalihis na makapagrehistro digde nin primerong kaso nin Covid-19.

Sa ipinalowas na executive order no. 23-2020 ni Barcelona Mayor Cynthia Falcotelo Fortes, ipinagsugo kaini an pag-lift sa lockdown na ipina-otob sa Brgy. Jibong makalihis na dagos ng magtapos o makompleto an isinagibong contact tracing sa mga nakasalamuhang persona ni Bicol patient#802 o si Martes Fulgocino Floralde.

Sinabi kan LGU maabot sa onseng indibidwal ang nagkaigwa nin direct o close contact kay Floralde mantang nasa 47 an secondacy contact.

Kasunod kan siring na bagay, pinara kan alkalde an paghandal kan publiko sa pagsasabi na naka-isolate na asin quarantine an mga nasabing indibidwal makalihis an isinagibong contact tracing kan LGU./ Photo Grab: We Work Barcelona PH FB)