Cong. Garbin kan Ako Bicol partylist, nagpasalamat sa IATF makalihis na dangogon an saindang suhestyon sa motorcycle barrier

Naogma asin nagpasalamat si Ako Bicol Partylist Rep. Alfredo "Pido" Garbin Jr. sa ipinaluwas na desisyon o kaya orden kan 

National IATF manungod sa dai na paggamit nin motorcycle barrier para sa mga rider na nasa sarong harong man sana nag-iistar.

Segun kay Garbin nagpapasalamat siya sa IATF na napahonrahan an bagay na ini na haloy niya namang ipinagbubusol sa rason na dai man daw kinakaipohan na nin barrier kun an mag-agom o kaya mag-ilusyon, nag-iistar man sana sa sarong harong.

Ilinadawan pa ni Cong. Garbin na dakulang enhancement asin improvement an kaisipan o meentalidad na ini kan IATF dahil sa makakagian asin makakatabang ini sa publiko.

Segun saiya, kinakaipohan man giraray magsunod sa magkakanigong health standards sa motor siring kan pagsulog nin face mask asin full-face helmet.

Alagad, aminado si Garbin na nagresulta sa pagkalibong kan nagkapira kun nata mas nagin turos an anunsyo kan IATF na tulos na matugutan sa mga lugar na nasa irarom nin GCQ an siring na polisiya kumpara sa mga nasa MGCQ./ (DZGB News Online)