LGU Irosin, pinaghahandaan na an selebrasyon kan Paray festival; mga darakulang aktibidad, kanselado
Kanselado an mga darakulang aktibidad na naka-ugalian gibohon kada bes minaselebrar kan Paray festival.
Ini an madoon na sinabi ni Irosin Mayor Alfredo Cielo sa tahaw kan ginigibong preperasyon kan LGU may relasyon digde.
Sinabi kan alkalde, magiging simple na sana an selebrasyon kan Paray festival ngonian na taon kun saen sa Spetiembre 1 ipinagtalaan an pagsasagibo nin simpleng opening ceremony na kinabibilangan kan pagkokondukta nin banal na misa.
Nakatalaan man na magkaigwa nin prosisyon sa imahe ni San Miguel Arkanghel na banal na patron kan nasambit ng banwaan alagad siniguro kan alkalde na mahigpit na ipapasunod an protocol para dae mabayolar an pagbabawal sa anoman na klase nin mass gathering .
Enot ng ipinaapod kan alkalde an mga department heads kan LGU kasabay na an tourism office sa plano kaini na paloway loway na buksan an industriya kan turismo./
Related post:
No comments:
Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.