Kaenot-enoteng neuro surgery sa provincial hospital, matrayumpo

Tinawan nin onra ni Gobernador Francis Escudero an matrayumpar na operasyon na ginibo sa laog kan Provincial hospital para sa sarong pasyente na may brain tumor.

Partikular na pinasalamatan kan gobernador si Dr. Elmer Jose A. Maceda dahilan sa matrayumpar na kaenot-enoteng neurosurgery na ginibo sa sarong babayeng pasyente kun saen inabot nin haros 30 oras an operasyon.

Maogma man an gobernador sa marikas na recovery kan pasyente sa saiyang right side paralysis kun saen pinagtrasnfer na ini hale sa ICU pasisiring sa regular ward.

Kasabay man sa pinasalamatan ni Chiz an operating theater staff, intensive care unit, Department of Anesthesiology sa pangengenot ni Dr. James Ocfemia asin si Dr. Fitz Banzuela kan Department of Surgery kan SPH./