Comelec Bicol, preparado na sa voter's registration sa Sept. 1

Andam na an Commission on Elections Bicol sa pagresibe nin mga maparehistro kan sa liwat na pagbubukas kan Voters Registration sa September 1, 2020.

Ini sa tahaw na dakulang agyat para sa sainda na ipasunod an health protocol partikular na an social distancing dahilan sadit sana an espasyo kan nagkapirang opisina sa probinsya.

Katakud kan siring na bagay, nangapudan an komisuon sa mga magpaparehistro na i- download an application form sa saindang website asin fill-upan paraber na magpasiring sa Comelec Office para mas maging marikas an proseso.

Sa ipinalowas na Comelec Resolution No. 10674, liwat na ipinagtalaan an pagbubukas guiraray kan Voter Registration sa bilog na nasyon poon sa masanling bulan nin Septiembre apwera na sana sa mga lugar na nasa irarum kan enhanced community quarantine (ECQ) o modified enhanced community quarantine./