LGU Irosin, nananao nin libreng manok sa lambang kaharongan

Kun bagas an itinatao sa ciudad, manok man an pinagdidistribwer sa ngonian kan lokal na gobyerno kan Irosin sa lambang kaharongan.

Sosog sa report, maabot sa 13,700 na dressed chicken an itatao kan LGU sa lambang harong sa bilog na munisipyo.

Sinabi ni Irosin Mayor Alfredo Cielo, tolong barangay an pinaglilibot kan team aro-aldaw tanganing magtao nin karneng manok asin target na matapos paraber na magtapos man an presenteng bulan.

An siring na lakdang kan LGU bilang parte kan saindang mga nakalinyadang programa enkoneksyon sa kafiestahan ni San Miguel Arkanghel na iyo man an patron kan saindang munisipio./