Sorsogon media practitioners, nagkonduser nin indignation rally para kondenaron an pambabadil gadan kay Jobert Bercasio
Nagkonduser nin indignation rally an mga miembro kan media sa probinsya kan Sorsogon tanganing ikorahaw an marikas na hustisya, imbestigasyon asin brutal na panggagadan kay Joebert B. Bercasio.
An siring na aktibidad pinonan nin torch parade pasado alas 5 nin hapon sa Sorsogon Provincial Capitol ground pasisiring sa centro kan ciudad lusot sa Barangay Burabod asin balik sa capitol grounds.
Dae mababa sa 40 miembro kan media hale sa ciudad kan Sorsogon asin banwaan kan Bulan an nagsabay sa indignation rally tanganing kondenaron an pambabadil gadan kay Bercasio.
Nagpahayag man nin panaramon an mga miembro kan media bilang pagromdom sa ginadan na broodcaster.
Kabilang sa naghayag nin pagkondenar an Chairman kan KBP Sorsogon asin presenteng Station Manager kan OKFM na si Andy Espinar, NUJP Sor. Chapter Pres. Bobby Labalan, former DZMS AM Station Manager Doods Marianito, Atty. Reline Defeo Arellano asin ibapa.//
(Photo Grab: Dennis Arellano FB)
No comments:
Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.