DSWD asin DPWH Bicol, byaheng Batangas para magtabang sa mga biktima kan padagos na pag-aalburoto kan bulkang Taal

📸: Lisa Marie David

Kasunod kan pagbyahe kan mga personahes kan Dept. of Social Welfare & Development Regional Office No. 5 sa probinsya kan Batangas tanganing magdsitribwer nin relief goods sa mga pamilya na apektado sa padagos na pag-aalburoto kan bulkan Taal, dae man nagpahudyan an Dept. of Public Works & Highway Bicol sa Disaster Relief Operations.

na gamiton mismo an pitong truck kan DSWD na pinagbugtakan kan nasa 5 mil na relief food packs.

Apwera kaini, bitbit man kan ahensya ang mga tangke nin tubig asin flood mitigating equipment with genset na paramientras na ipapagamit sa mga apektadong lugar.

Mientrastanto, nagbyahe man pasisiring sa Batangas an monitoring team kan Philippine Institute of Volcanology and Seismology (PHIVOLCS) gikan sa Albay tanganing magtabang sa pagtutok sa mga aktibidad kan bulkan.

An nasabing grupo iyo ang pinangenotan ni Dr. Paul Alanis, Science research specialist kan Mayon volcano monitoring team.