136M pesos na kantidad nin shabu, planong ilusot sa Matnog port
Arestado an dowang persona dahilan sa pagbibitbit nin iligal na droga na plano kuta ng ilusot sa Matnog port.
Sosog sa report kan Sor. Police Provincial Office, alas 100 nin aga kan nakalihis na Biernes, Enero 17kan isagibo an operasyon kan mga otoridad na nagresulta sa pagkakaresto kan mga akusadong sinda Irish Yap Dela Peña, 44 anyos asin Lani Abarido Rocaza, 47 anyos na mga residente kan Poblacion Muntilupa City.
Nakompiskar sa dowa an dara-darang bagahe na naglalaman nin 20 kilos kan pinagtutubudan na shabu na may market value na 136 milyones pesos.
Pagbalgar sa Rep. Act 9165 o Comprehensive Dangerous Drugs Act of 2002 an kakahampangon na kaso kan mga akusado.
No comments:
Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.