IMBESTIGASYON KAN PNP SA PAMBABADIL GADAN SA MAG-AGOM SA SITIO SAN LORENZO, NAGPAPADAGOS
 |
| Contributed Photo |
Siniguro kan Sor. City Police Station an mahigpit na imbestigasyon sa pambabadil-gadan sa sarong mag-agom kan Lunes na bangggi, Enero 20, 2020 sa Sitio San Lorenzo, Brgy Bibincahan, Sorsogon City.
Segun kay Police Lt. Col. Benito E. Dipad Jr., Actining Chief of Police kan City PNP, nakatutok sinda ngonian sa siring na insidente tanganing maaraman an motibo asin suspetsado sa krimen.
Matatandaan, linaog kan mga armado, alas 6:50 an banggi an harong kan mga biktimang sinda Lawrex Roy Tina Marinda, tricycle driver; asin live in partner kaining si Moriel Barsaga Sola na sarong manikurista.
Sa inisyal na imbestigasyon kan pulisya, bigla na sanang luminaog sa harong kan mag-agom an dowang armado asin enot na pinaputukan kan suspect si Sola dangan na isinunod si Marinda.
Nawalat kan mga biktima an saindang menor de edad na aki mantang si Lawrex Roy iyo an aki kan kilalang brodkaster sa Sorsogon na si Lauren Marinda.
No comments:
Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.