Brgy. Kapitan lugadan kan badilon kan riding in tandem sa Donsol, Sorsogon

Lugadan an sarong barangay kapitan mantang gadan an kaibanan kaini makalihis na badilon kan motorcycle-riding gunmen sa sarong barangay sa Donsol, Sorsogon.

 

Gadan an biktimang si Vicente Macandog, 46 anyos mantang nagsapar nin mga tama nin bala sa saiyang lawas si Brgy. Captain Wilfredo Ombao, 45 anyos na mga residente kan Brgy. San Ramon sa nasabing banwaan.

Sinabi ni Police Major Maria Luisa Calubaquib, tagapagtaram kan Phil. National Police – Regional Office No. 5, an siring na insidente nangyari alas 10:50 nin pagkaaga kasuudma, Sept. 20, 2020.

Lunad an mga biktima nin motorsiklo kan bigla na sanang pauranan nin bala kan mga suspect na marikas man na duminulag makalihis an krimen.

Padagos ngonian an ginigibong imbestigasyon kan mga otoridad tanganing maaraman an motibo asin mga suspetsado sa krimen.