4 na banwaan sa Sorsogon, mantenidong Covid-19 free - DOH Bicol

Apat na sanang banwaan sa probinsya kan Sorsogon an mantenidong ligtas sa Covid-19 free makalihis na maerehistro kan Sabado an kaenot-enoteng kaso sa banwaan kan Barcelona.

Sa report kan Dept. of Health Bicol, an mga banwaan na sana kan Castilla, Irosin, Juban asin Bulusan an mantenidong Covid-19 free municipality sa Sorsogon.

Matatandaan na nadagdagan ang kaso kan Covid sa Sorsogon matapos na maerehistro kan Sabado an tigsararong kaso sa Casiguran, Barcelona asin Pilar.

Padagos man ngonian na pinagaaram kan mga otoridad kun saen nakua an virus ninda Bicol patient number 802 kan Barcelona na sarong 49 anyos na babaye asin ni Bicol patient No. 803 kan Pilar na sarong 19 anyos na lalaki mantang may travel history sa Tondo Manila ang panibagong kaso sa Casiguran na sarong 25 anyos na saleslady.

Sa ibong na lado, an banwaan kan Pto. Diaz an mantenidong may pinakadakol na aktibong kaso kan virus sa bilog na probinsya na nakapagrehistro pa nin 9 mantang 5 naman an active case sa munisipio kan Bulan./