2 magkasunod na kasulo naerehistro kan BFP Sorsogon
Nakapagrehistro nin dowang magkasunod na insidente nin sunog ang mga personahes kan Bureau of Fire Protection Sorsogon ngonian sanang bulan nin Septiembre.
Pinakahuring pangyayari naerehistro sa Sor. City makalihis na kakanon nin kalayo pasado ala una an mag-umagahon kan Lunes, Sept. 28 an harong kan pamilya Olaybar sa Executive Village sa Brgy. Tugos.
Nagdurar nin haros sarong oras an kasulo mantang dae man nin nadamay asin nalugadan sa insidente.
Enot kaini, kinakan man nin kalayo an nagkapirang classroom kan Casiguran Elementary School sa Brgy. Tulay, Casiguran Sorsogon pasado ala 1:30 an hapon kan nakalihis na Domingo, Sept. 27.
Nagpoon an kalayo sa Grade 4 classroom ni Teacher Marilyn Gongona asin nadamay an dowang kataid na silid aralan.
Dahilan kaini, liwat na nagpatanid an BFP Sorsogon sa publiko na mag-ingat sa kasulo.
No comments:
Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.