Pagdagsa kan mga turista sa Donsol, pinaglalaoman dahilan sa Butanding sighting

Pinaglalaoman an pagdadaragsaan na naman kan mga mga turista sa Donsol para sa “close encounter” sa mga butanding na pamosong tourist attraction sa lugar.

Ini makalihis na kompirmaron kan lokal na gobyerno an pagkakaigwa nin sighting sa lugar kan whale shark.

Pinaglalaoman na an mas pang pagdagsa kan mga bakasyonista sa lugar sa summer dahilan sa peak season kan butanding attraction sa semana santa asin sa bulan nin Mayo.

Katakud kan siring na bagay, nakatalaan na magpalowas nin travel advisory an tourism office sa probinsya tanganing mapangatamanan an kapalibutan asin masiguro an seguridad kan gabos sa tahaw kan patakot kan bagong coronavirus.