Gov. Chiz, pig inspeksyon an Subic beach sa Matnog

Pinangenotan ni Governor Chiz Escudero an isinagibong ocular inspection sa Subic Beach sa banwaan kan Matnog.

Kasabay kan inspeksyon siniguro kan gobernador an pagsasagibo nin mga programa asin proyekto sa lugar orog an nagrarane na naman an panahon kan pagdagsa kan mga turista digde.

Sinabi ni Governor Chiz an subic beach sa Matnog iyo an saro sa mga mayor na tourist destination kan Sorsogon kun kaya maninigo sanang ipaotob an kaayusan asin tamang sistema para sa benipisyo kan lambang saro.




Enot kaini, sarong cash for work program an ipinaotob kan gobyerno probinsyal tanganing tulos na malinis an subic beach kasabay an pagbalyo sa mga informal settlers pasisiring sa mas maayos asin tamang lugar sa laog mismo kan isla.