Viral ngayon: Bagong silang na sanggol, inabandona sa isang bodega sa Gubat

Patuloy ang ginagawang imbestigasyon ng pulisya kasunod ng pag-aabandona sa isang bagong panganak na sanggol sa Gubat, Sorsogon.

Ayon sa ulat, nadiskobre ang babaeng sanggol sa isang bodega sa Barangay Bagacay sa nasabing bayan.

Nakabalot lamang sa plastic ang sanggol nang matagpuan ng isang residente na kaagad namang dinala sa hospital ang bata upang masuri ng doctor ang kondisyon nito.

Sa ngayon, nasa ligtas na kondisyon na ang bata habang patuloy na pinaghahanap ang nasa likuran ng pag-aabandona nito.

Nag-ani naman ng batikos sa mga netizen ang nasabing insidente makaraang magviral ito sa social media.