66k na eskwela sa Bicol, dae tatao magbasa - DepEd

Study.Com Images

Poco mas o menus 66 mil na bilang nin mga estudyante sa kabikulan an dae tataong magbasa sosog naman sa ipinalowas na datus kan Dept. of Education o DepEd.

Segun kay DepED Bicol Regional Director Dr. Gilbert Sadsad, kadaklan sa nasabing mga estudyante iyo an gikan sa mga probinsya kan Masbate, Camarines Sur asin Albay.

Dahilan kaini, padagos an espwerzo kan DepEd Bicol tanganing mas na mapakosog an saindang programa siring kan bright minds read program na iyo an nakakatabang sa mga estudyante na magbasa asin magsabot.

Hagad man kan Deped an tabang kan mga maguran tanganing mas na magabayan an mga aki sa saindang pagklase.