Bulan Municipal Councilor Joey Guban, nasa maayos ng kondisyon makaraang maaksidente ang minamanehong sasakyan

Sinasakyan na Ford Raptor ni Konsehal Guban (Photo Grab from Journalists League of Bulan FB Post)

Nagpapagaling na sa sinapit na bugbog, pasa at galos sa katawan si dating 2nd District Provincial Board Member at kasalukuyang Bulan Municipal Councilor Joey Guban matapos maaksidente sa kahabaan ng Maharlika Highway sa Barangay Bacolod, Juban, Sorsogon.

Ayon sa ulat, sakay ng minamanehong Ford Raptor ang konsehal at pauwi na sana ng Bulan galling sa lungsod ng Sorsogon ng aksidenteng mabangga nito ang nakaparadang 10-wheeler truck sa naturang lugar.

Milagrong nakaligtas si Konsehal Guban sa aksidente dahil sa halos mayupi na ang unahan na bahagi ng sasakyan nito.

Sapul sa nasabing aksidente ang kaliwang bahagi ng sasakyan ng konsehal.

Kaagad din na nadala ang opisyal sa Irosin District Hospital at nakauwi na ng kanilang bahay dahil sa minor injury lamang ang sinapit nito.

Nabanggang truck ng sinasakyan ni Bokal Guban