2 padi na nagkaigwa nin close contact sa nagadan na Covid 19 patient, nagnegatibo sa RT PCR test

Duwang padi na nagkaigwa nin direct asin secondary contact sa pasienteng nagadan huli sa COVID19 na taga Prieto Diaz nagnegatibo sa RT-PCR test.

Sa opisyal na surat ni Bishop Jose Alan Dialogo, nagluwas na negatibo an swab test ni Fr. Alex Jerus asin Fr. Louie Buenaobra.

Sa giraray na nagpagirumdom an obispo sa padi asin taga sunod kan simbaham an pagsunod sa health protocols na pigapapautob tanganing malikayan an paglakop kan COVID19 virus.

Matatandaan na nagadan si Bicol#423, 79 anyos kan Prieto Diaz Sorsogon kan July 30, 2020. Hasta sa prisente pigkokondusir pa an contact tracing sa mga nagkaigwang direktang contact saiya. Kan nakalihis man na aldaw pigbaretang nqgpositibo an pito sa mga kapamilya kaini na nagbisita sa lamay kan enot ng nagadan na asawa.

Isinairarom naman kan gobyerno probinsyal an Prieto Diaz sa sarong semanang lockdown para sa mas mahiwasanna contact tracing. (Jessie M. Lafuente)