Nagadan dahilan sa Covid-19 sa Bicol, suminakat na sa 32

32 katawo na an nagagadan sa kabikulan kawsa kan corona virus desease o covid-19.

Sa datus na ipinalowas kan Dept. of Health Bicol, sa siring na bilang, nangengenot an probinsya kan Albay sa may pinakahalangkaw na bilang kan mga binawian nin buhay dahilan sa virus kun saen uminabot na sa 16.

Sunod an Camarines Sur na may 8, 4 sa Sorsogon, 3 sa Camarines Norte asin saro sa Catanduanes.

Sa ibong na lado, an probinsya kan Camarines Sur an nakapagrehistro nin pinakahalangkaw na aktibong kaso kan virus na uminabot sa 243, sunod an Albay na may 206, 39 digde sa probinsya kan Sorsogon, 36 sa Masbate, 19 sa Catanduanes, 16 sa Camarines Norte asin sa kabilugan nasa 559./