Kaso kan Covid-19 sa Sorsogon, suminakat na sa 100

Suminakat an sa sanggatos an kompirmadong kaso kan corona virus sa bilog na probinsya kan Sorsogon.

Ini kasunod kan tolong bagong kaso na naerehistro kan probinsya kan nakalihis na aldaw kun saen dowa sa mga ini iyo an gikan sa banwaan kan Pilar mantang an saro iyo an LSI (locally stranded individual) na taga-Sorsogon City.

Sa ibong kaini, maabot naman sa 67 an bilang kan mga nakarecober sa helang mantang nasa 29 pa an aktibong kaso.

Liwat man na nagabiso sa publiko an Provincial Health Office Sorsogon na magsunod sa pinagtalaan na protocol asin minimun health standard para maiwasan an posible pang pagkalat kan virus./