LGU Casiguran, kinordonan an 17 harong asin nagsagibo nin dis-infection
Tulos na nagsagibo nin disinfection sa 17 harong sa Barangay Boton an Casiguran Disaster and Rescue Team makalihis na makapagrehistro nin kompirmadong kaso nin Covid-19 sa nasabing barangay.
Ipinagsugo man tulos ni Casiguran Mayor Edwin "Boboy" Hamor na paramientras na i-kordon an nasabing mga harong tanganing maiwasan an pagkalat kan virus asin bilang precautionary measures kan LGU.
Tulos man na kinuwaan nin swabtest an mga kapamilya kan pasyente kun saen sinimbag kan LGU an pangangaipo kan mga ini mantang nasa homequarantine asin isinairarum sa paramientras na lockdown.
Liwat man na pinara kan LGU an paghaghag kan puubliko sa pagsasabi na pinagigibo an gabos na medyos para maiwasan na magkalat an virus. (LGU Casiguran Sorsogon)
No comments:
Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.