2 barangay captain sa Sorsogon, pinasususpendir dahilan sa anomaliya sa SAP

Dowang barangay kapitan sa Sorsogon an nakasabay sa ipinalowas na listahan asin pinangaranan kan Department of Interior and Local Government na pinasususpendir dahilan sa anomaliya sa Social Amelioration Program (SAP) kan Department of Social Welfare and Development (DSWD).

Sinabi kan DILG Bicol, an mga ini iyo sinda Brgy. Capt. Omar G. Guban kan Barangay Batang, Irosin Sorsogon asin Camillo H. Hiloma kan Barangay Binisitahan Del Sur sa banwaan kan Magallanes.

An dowang barangay official iyo an kasabay sa 9 na kapitan del barrio na pinangaranan kan DILG na sabit sa anomaliya, 5 sa mga ini iyo an gikan sa probinsya kan Albay mantang 2 an hale sa mga probinsya kan Camarines.

Denereheran man kan DILG an mga alkalde sa nasambit ng mga munisipio na tulos na ipaotob an ibinabang six-month preventive suspension laban sa mga opisyal kan barangay sa oras na maresibe an kasuguan.//