Bagong sistema kan number coding sa mga namamasadang tricycle sa Sor. City, ipapa-otob sa Lunes

( Facebook Photo - Credits to the owner)

Nakatalaan na ipaotob sa masunod na semana an bagong sistema nin number coding scheme sa mga namamasadang tricycle sa bilog na ciudad kan Sorsogon,

Ini makalihis na ponan kan lokal na gobyerno kan ciudad an pagbugtak nin mga bagong sticker sa mga may prangkisang tri-mobile na gagamiton sa eskima.

Sa bagong number coding scheme, magpapalitan an dowang numero (number 1 and 2) kan lambang asosasyon sa pamamasada oro-aldaw, por ehemplo, makakapasada sana kada lunes an mga may sticker na number 1 mantang sa Martes an mga may number 2 sticker kan kada asosasyon.

Dahilan kaini, 50% na sa kada asosasyon o TODA an makakabyahe poon  sa Lunes, Sept. 21.

Paliwanag naman kan Sor. City Public Order and Safety an siring na bagong manera kan number coding iyo an enot ng napag-olayan kan lambang opisyal kan Sor. City LGU asin mga TODA President sa bilog na ciudad kan Sorsogon.

Mientrastanto, ibinaba kan POSO an schedule sa paglaag nin mga bagong coding sticker sa mga tricycle na may prangkisa.