Militar asin mga NPA, liwat na nagkabakbakan sa Bulan, Sorsogon

Liwat na nagkabakbakan ang militar asin mga pinagtutubudang miembro kan rebeldeng grupong New Peoples Army sa probinsya kan Sorsogon.

Sosog sa report, an siring na engkwentro nangyari, alas 3:18 an hapon kan nakalihis na Sabado, Sept. 19, 2020 sa Brgy. Gerona, Bulan Sorsogon.

Sinabi pa sa report, mantang nagsasagibo nin security operation an mga miembro kan 31^st Infantry Batallion, Phil. Army kan makabakbakan ang nasa 30ng mga NPA.

Dae man nin nalugadan o nagadan sa nasabing engkwentro sa mag-ibong na lado na nagdurar nin poco mas o menus 40 minutos.

Narekober naman kan mga otoridad sa encounter site an sarong M14 rifle, dowang anti-personnel mine, limangbackpack asin mga personal na gamit kan mga rebelde.

Padagos ngonian an ginigibong hot pursuit operation kan mga militar kontra sa mga nagdurulag na mga NPA mantang nakaalerto naman an mga kapulisan sa nasambit ng banwaan.//