Juban, nakapagrehistro nin kaenot-enoteng kaso nin Covid-19

 

An banwaan na sana kan Irosin an Covid-19 free  sa bilog na probinsya kan Sorsogon makalihis na makapagrehistro nin kaso ang Juban Sorsogon sa Covid-19 update na ipinalowas kan Dept. of Health Bicol.

Sosog sa report, sarong residente kan Brgy. Buraburan an kaenot-enoteng kaso kan virus sa Juban.

Dahilan kaini, patanid kan lokal na gobyerno na magsunid sa mga pinagtalaan na health and safety protocol kan gobyerno laban sa Covid-19 mantang pinagigibo an contract tracing asin disinfection kan LGU.

Kasabay man sa naerehistrong panibagong kaso sa probinsya si Bicol Patient No. 1736 na residente kan Brgy. Pangpang, Sorsogon City.

Dahilan kaini, 3 na an aktibong kaso kan Covid-19 sa Sor. City mantang nasa 21 an nakarecover.

Nakasabay man sa listahan kan mga bagong nakarecover sa virus si Bicol 1466 na residente kan Brgy. Sta. Ana sa banwaan kan Gubat na enot ng kinilala ni Gobernador Chiz Escudero na si Anjilyn E. Abelong, 25 anyos na sarong midwife kan Rural Health Unit Gubat.//