Inagurasyon kan bagong opisina asin edepisyo kan DepEd province, nakatalaan na gibohon ngonian na aldaw

Pinaglalaoman an pagabot sa ngonian na aldaw sa probinsya kan Sorsogon ni Regional Director Guilbert Sadsad kan Dept. of Education Bicol.

Siya an magseserbing huespe de honor sa gigibohon na inagurasyon kan bagong opisina asin edepisyo kan DepEd Sorsogon Provincial Division Office.

Ini makalihis na magkaigwa na nin bagong estaran an Deped Sorsogon sa Brgy. Balogo sa esteng distrito kan Ciudad makalihis na bayaan an dekada ng opisina kaini sa capitol compound na apektado kan isinasagibong rehabilitasyon kan gobyerno probinsyal.

Sosog sa report, nakatalaan na ponan an siring na programa nin banal na misa sa pangengenot ni Obispo Jose Alan Dialaogo dangan na isusunod an ceremonial cutting of ribbon, blessing kan building asin unveiling of marker, alas 5 adyabn na hapon.

Magkakaigwa man nin ceremonial turnover kan Deped building na papangenotan ni Gobernador Chiz Escudero, City Mayor Ester Hamor asin School Division Supt. Jose L. Doncillo./