Rollback sa presyo kan mga produktong petrolyo, epektibo ngonian na aldaw

Good news sa mga motorista!

Nakatalaan na magkaigwa ngonian na aldaw nin bawas-presyo sa mga produktong petrolyo.

Sosog sa report, nagkakanam sa 30 hasta 40 sentimos an ipapaotob na rollback sa presyo sa kada litro kan gasolina mantang nasa 40 sagkod 50 sentimos naman ang bawas presyo sa kada litro kan diesel.

Apwera kaini, magkakaigwa man nin 50 hasta 60 sentimos na rollback sa kada litro kan kerosene.

An siring na paghiro sa presyo kan mga produktong petrolyo iyo an nakatalaan na ipasunod ngonian na pagkaaga nin huli sa paghiro man sa presyuhan kaini sa pangkinaban na merkado./