Saro sa mga kilalang broadcaster sa Sorsogon, binadil-gadan
Gadan an sarong hard hiting radio commentator sa Sorsogon makalihis na badilon kan riding in tandem, pasado alas 8 an bangggi, Sept. 14, harane sa sarong gasolinahan sa Seabreeze Homes Subdivision sa Brgy. Cabid-an, Sorsogon City.
Pinagbisto an biktima na si Jobert "Polpog" Bercasio, nasa tamang edad asin residente kan Brgy, Buenavista, Bacon District.
Sosog sa report, tinambangan an biktima kan dowang armado, lunad nin sarong motorsiklo dangan na pinaputukan gamit an dae pa maaraman na kalibre nin badil.
Sinabi pa sa report, nakadangog nin 5 putok nin badil an mga testigo sa pangyayari asin duminulag an suspect pasisiring sa porsyon kan diversion road, sa may city hall.
Si Jobert Bercasio iyo an mas midbid sa apod na "Polpog" na nagpoon bilang sarong radio report kan PBN-DZMS-AM, ngonian OKFM na asin sa ngonian sarong free lance broadcaster kan sarong online news portal.//
No comments:
Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.