Munisipyo nin Bulusan mapautob nin temporary lockdown sa mga nagkapirang porsyon kan Brgy. Central
Nagpaluwas nin Executive Order si Municipal Mayor Michael Guysayko kan Bulusan sa temporaryong lockdown san porsyon kan Roxas Street, V. Guysayko Street, Galarosa Street asin Divinagracia Street sa Brgy kan Central.
Mandatory sa mga naunambitan na lugar ang home quarantine asin daeng siisay man na tutugutan na makaluwas sa harong apwera sa emerhensya, magbakal nin mga pangaipo asin mga Authorizes Persons Outside Residence (APOR) na makapahiling kan saindang mga IDs bilang pruweba.
An munisipyo man an matao nin pagkakan sa mga apektadong residentes sa lugar. An hiro na ini iyo tanganing makontrol an dagos na paglakop kan virus sa mga namensyunar na lugar asin mantang pigkukundukta an contact tracing kan LGU.
Madurar nin katorse dias an lockdown epektibo ngonian na aldaw. Sa presente igwa na nin 5 kaso an narehistro sa Bulusan, 2 an dagos na nagrahay asin duwa an aktibo. Saro kaini an bagong kaso na naireport kasubago.
An saro mang nagadan dahil sa sakit pigmidbid na si dating Municiapal Mayor Dr. Oscar S. Halum. (Jessie Lafuente)
No comments:
Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.