City Administrator Mark Guirondola asin 2 aki ni Konsehal Baldon, kabilang sa bagong walong nagpositibo sa Covid-19 sa Sorsogon

Suminakat na sa 203 an kabilugan na kaso kan Corona virus disease sa bilog na probinsya kan Sorsogon makalihis na makapagrehistro nin walong panibagong kaso sosog sa pinakahuring report kan Provincial Health Office Sorsogon.

6 sa nasabing bilang iyo an gikan sa Sorsogon City, tolo sa mga ini an hale sa Brgy. Pangpang mantang an natatada iyo an gikan sa Brgy. Piot, Cambulaga asin Panglayaan.

Kasabay man sa mga naerehistro na bagong kaso an sarong 80-anyos na lola na residente kan Brgy Paco sa banwaan kan Gubat asin 25-anyos na babaye na gikan sa Pili, Magallanes.

Sa ngonian, nasa 36 na an aktibong kaso kan Covid-19 sa Sorsogon mantang suminakat naman sa sampolo an nagadan makalihis na makasabay na sa official data kan PHO Sorsogon an pagkakagadan nin huli sa Covid ni dating Bulusan Mayor Dr. Oscar Halum./

Dagos ng pinangaranan ni Gobernador Chiz Escudero ang mga bagong nagpositibo sa Covid-19 sa probinsya kan Sorsogon.

Ini iyo sinda Lourdes Bermoro Bosa, 80 anyos na gikan sa Brgy. Paco, Gubat; Mary Grace Brioso Dollente, 25 anyos kan Pili sa banwaan kan Magallanes; Ruben Estabaya De Mata II, 31 anyos kan barangay Piot; Norman Belica Lacdang, 30 anyos kan barangay Cambulaga asin Evelyn Lajada Laceda, 40 anyos na residente kan barangay Panlayaan sa Sorsogon City.

Kabilang man sa nagpositibo sinda City Administrator Atty. Mark Gerald Dealca Guirindola asin an aki ni City Councilor Nestor Baldon na sinda Monique, 29 anyos asin Michael Aries Regunas Baldon, 37 anyos na mga residente kan Brgy. Pangpang.

An nasabing mga nagpositibo iyo an nahilingan nin simtomas apwera na sana kan Dollente kun saen an mga ini iyo an naka-quarantine na ngonian sa mga government quarantine facilities asin mga pribadong ospital