Dahil sa lipot kan panahon, mga "meme" kan Sorsogon na nagyeyelo kuminalat sa social media

Mas pang nagkosog an amihan o northeast monsoon sa paglaog kan bulan nin Pebrero.

Ini an kinompirmar ni PAGASA weather specialist Ramond Ordinario kasunod kan haros grabeng lipot na namamatean sa probinsya kan Sorsogon magpoon kan nakalihis na aldaw.

Sinabi ni Ordinario na laoman man an pagkakaigwa nin kalat kalat na pag-ooran sa manlaenlaen na rona kan probinsya.

Enot kaini, nag viral sa Social Media ang mga post online na winter na sa Sorsogon kasunod kan pagbagsak kan temperatura sa 23 degrees centigrade.

Dae man nin nahihiling an Pagasa DOST nin anoman na weather disturbance na posibleng maglaog sa Philippine Area of Responsibility sa mga masunod na aldaw.