Kaso kan dengue sa Bicol sa nakalihis na 7 bulan nagbaba

Kinompirmar kan Regional Epidemiology and Surveillance Unit kan Department of Health – Center for Health Development an pagbaba sa kaso kan dengue sa rehiyon kan nakalipas na pitong bilan kan presenteng taon.

Sinabi kan DOH Bicol. buminaba nin 72 porsiento an kaso kan dengue sa rehiyon makalihis na makapagrehistro nin 271 na kaso poon Enero sagkod Agosto a 1 kumpara sa 4,596 na bilang na naerehistro kan nakalihis na taon sa kaparehong peryodo.

Kinompirmar kan DOH na 12 sa siring na bilang an binawian nin buhay mantang nasa 48 kan nakalihis na taon.

Dagdag pa kan health department na an probinsya kan Camarines Sur an nakapagrehistro nin pinakahalangkaw na kaso nin dengue sa Bicol na uminabot sa 612 asin 3 an gadan.

Ini pinagsundan kan Sorsogon na may 241 kaso asin 3 an binawian nin buhay.

Katakud kan siring na bagay, liwat na nangapudan sa publiko an DOH Bicol na sundon an 4S strategy kan gobyerno laban sa dengue na nangangahulugan nin Search and Destroy, Self-Protection Measures, Seek Early Consultation, asin Say Yes to fogging kun nagkakaigwa na nin outbreak./