Sorsogon bay, mantenidong redtide free segun sa Bfar
Kinompirmar kan ureau of Fisheries and Aquatic Resources na mantenidong libredo sa hilo kan redtide an kadagatan kan Sorsogon.
Ini makalihis na maglowas sa ginibong pag-aadal kan ahensya na mantenidong redtide free an Sorsogon asin Juag Lagoon Matnog kasunod kan ipinalowas na Shellfish Bulletin Number 15, series of 2020 kan ahensya na may petsang Agosto 18.
Dahilan kaini, salbadong kakanon an mga makukuang tagunhason sa kadagatan kan Sorsogon asin ibapang rona kan rehiyon.
Sinabi kan Bfar, mantenidong positibo sa redtide an kadagatan kan Dauis asin Tagbiliran City sa Bohol; Tambobo, Sioton asin Bais bay sa Bais City, Negros Oriental; Cancabato Bay sa Tacloban City, Leyte; Balite Bay kan Mati City, Davao Oriental asin Llanga Bay sa Surigao del Sur.
No comments:
Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.