Paglangkaw sa kaso kan Covid-19 sa Bicol, epekto kan nag-uruling LSI - DOH Bicol

 

Aminado si Dept. of Health Bicol Regional Director Ernie Vera na dakula an factor na naidara kan mga naguruling locally stranded individual na gikan sa Metro Manila asin NCR sa pagtaas sa kaso kan covid-19 sa rehiyon.

Tinawan man nin doon kan opisyal na pito sa sampulong aktibong kaso iyo an asymptomatic alagad nakaulakit sa ibang persona.

Katakud kan siring na bagay, liwat na nangapudan sa publiko si Vera na ugalion an pagsulot nin face mask kun malowas sa harong asin pagamit nin sanitizer kasabay kan mas pinahiwas nindang information and dessimination campaign kontra sa Covid-19.

An pahayag kan opisyal ginibo makalhis na makapagrehistro an DOH Bicol nin sobra sa 30 panibagong kaso nin virus sa laog sana nin sarong aldaw.