Paglinig sa listahan kan Philhealth member, ipinagsugo ni Gov. Chiz

Ipinagsugo ni Sor. Gov. Francis Joseph Escudero ang pagsasagibo nin bagong Philhealth registration sa bilog na probinsya kan Sorsogon.

Sinabi kan gobernador na katuyuhan kaini na malinig an listahan kan Philhealth asin masiguro na mga lehitimong miembro sana an nakalista asin matatawan nin benepisyo sa irarum kan universal health care program kan gobyerno.

Tiwala man si Chiz na matatapos sa Oktobre kan presenteng taon an rehistrasyon makalihis na kaolayon kaini an mga alkalde asin ilatag an detalye asin mechanics may relasyon digde.

Aminado an gobernador na dakol na mga Sorsoganon an na-disqualify na makaavail kan programa nin huli sa typographical error sa pangaran, date of birth asin civil status kan mga enot na nakalistang benepiyaryo.

An probinsya kan Sorsogon iyo an saro sa 33 na pilot area na kinilala kan gobyerno tanganing paglansaran kan full implementation kan UHC.