Temporary lockdown sa nagkapirang barangay sa Gubat, binawi na

Dagos ng binawi kan lokal na gobyerno kan Gubat an ipinaotob na 3 aldaw na lockdown sa nagkapirang barangay kasunod kan isinasagibong contact tracing kan LGU para sa mga persona na nakasalamuha kan sarong nagpositibo sa Covid 19.

Dahilan kaini balik na ngonian sa normal an buhay kan mga residente sa anom na barangay na enot ng isinairarum sa lockdown.

Sa pinirmahan na Executive Order No. 2020-022-A ni Gubat Mayot Sharon Escoto, lifted na an temporary lockdown sa nagkapirang porsyon kan Barangay Ariman, Balud del Norte, Balud del Sur, Luna Candol, Sta. Ana asin Beriran alagad mantenidong eksistido an liquor ban sa bilog na banwaan.

Pangapudan man kan alkalde sa publiko na pirmeng magsunod sa pinagtalaang na protocol kan gobyerno laban sa Covid-19 siring kan pagsulot nin facemask, pag obserbar sa social distancing asin proper hygiene./