School calendar para sa presenteng school year, ipinalowas kan DepED

Kasabay kan pormal na pagbubukas kan School Year 2020-2021, ipinalowas naman kan Department of Education ang pinal asin adjusted school calendar and activities sa mga eskwelas publikas.

Sa irarum kan DepEd Order no. 30, nakapalaman an pagarangka kan klase kan nakalihis na Okt 5, 2020 mantang sa Hunyo 11 kan masanling taon an ultimong aldaw kan klase.

Sinabi kan DepEd, nasa 205 school days an presenteng adjusted school calendar kun saen kasabay na digde an pre-school year activities, teachers training, Saturday classes asin semetral breaks.

Ipinagtalaan naman an Christmas break sa Disyembre 19 hasta Enero 3.

Sa irarum kan distance learning magamit an DepEd nin manlaenlaen na modalities para makasiguro na maipagpadagos kan mga estudyante an saindang pagklase./